📜 मंदिरे व धार्मिक कार्य

गुरुमाऊलींच्या आज्ञेने येथे तीन प्रमुख मंदिरे उभारली गेली — महादेव शिवलिंग, महा कालिका माता व हनुमान मंदिर. मंदिरांच्या बांधकामासाठी भक्तांच्या देणगीमुळे व साहित्यांच्या मदतीमुळे काम सुरु झाले व विशेष विधीने बांधकामाची सुरुवात करण्यात आली.

परमपूज्य गुरुमाऊली विनायक भाऊ महाराज यांनी आश्रम स्थापन करून मंदिरांची देवता प्रस्थापित केली. त्यांच्या वचनाप्रमाणे, जो कोणी भाविक मनोभावे या देवतेची आराधना करेल त्यांची मनोकामना पूर्ण होईल व अध्यात्मिक शांती लाभेल. भाऊंनी तरुण पिढीला योग्य दिशा देण्यासाठी विशेष चालना दिली.

त्याचबरोबर, विविध गावांमध्ये श्री संत सखाराम महाराज, ह.भ.प. श्री राम महाराज, नाथ बाबा यांच्या सहवासातून मोठ्या प्रमाणावर अध्यात्मिक कार्य केले. तसेच भक्तगणांच्या देणगीतून सुमारे २५ ते २६ हनुमान मंदिरे व इतर मंदिरे बांधली गेली.